Masallı gənclərinin Heydər Əliyev Mərkəzinə ekskursiyası 09.05.2023
Gənclərin İnkişaf və Karyera Mərkəzinin Masallı nümayəndəliyinin təşkilatçılığı ilə Ümummilli lider Heydər Əliyevin 100 illik yubileyi əlaqədar olaraq, Masallı gənclərinin Masallı Heydər Əliyev Mərkəzinə ekskursiyası təşkil olunub.
Ekskursiya zamanı Heydər Əliyev Mərkəzinin direktoru Dilbər İbayeva gənclərə sərgilənən eksponatlar və şəkillər haqqında məlumat verib. Mərkəzdə Ümumilli Lider Heydər Əliyevin həyat və fəaliyyətinin bütün dövrlərini əhatə edən video və foto arxiv, sənədlər, eləcə də müxtəlif eksponatlar nümayiş etdirilir.
Həmçinin gənclər Ümummilli Lider Heydər Əliyevin 100 illik yubileyinə həsr olunmuş, Ulu Öndərin fəaliyyətlərindən bəhs edən foto-sərgidə iştirak ediblər.
Sonda gənclər Ulu öndər Heydər Əliyevin həyat və fəaliyyətinə həsr olunmuş filmə baxıblar.
