Masallıda “Breyn rinq” intellektual bilik yarışı
Masallıda Zəfər gününə həsr olunmuş “Breyn rinq” intellektual bilik yarışı üzrə rayon birinciliyi keçirilib.
Masallı rayon Gənclər və İdman İdarəsinin, “Masallı Gənclər evi” SXM-nın və Lənkəran-Astara regional Təhsil İdarəsinin Masallı rayonu üzrə Təhsil sektorunun birgə təşkilatçılığı ilə rayonun məktəb komandaları arasında 8 Noyabr – Zəfər Gününə həsr olunmuş “Breyn-rinq” intellektual oyunu üzrə rayon birinciliyi keçirib.
Tədbirdə əvvəlcə ümummilli lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib.
Tədbirin açılış mərasimində Masallı rayon Gənclər və İdman İdarəsinin rəisi Sabiq Cahangirov 8 Noyabr-Zəfər Gününün tarixi əhəmiyyətindən, 44 günlük müharibə dövründə Ali Baş Komandan cənab İlham Əliyevin rəhbərliyi altında Azərbaycan əsgərinin əldə etdiyi şanlı qələbədən danışaraq bildirdi ki, təşkil olunan yarışın əsəs məqsədi məktəbliləri müsabiqə və yarışlara cəlb edilməsinin daha da genişləndirilməsi, onların intellektual oyunlarda iştirakının təşviq və təşkil olunması, şagirdlərin müxtəlif sahələr üzrə istedad və qabiliyyətinin, dünyagörüşünün, intellektual səviyyəsinin üzə çıxarılmasıdır.Sonda bir daha məktəbliləri Zəfər günü və Bayraq günü münasibəti ilə təbrik edərək hər bir şagirdə uğurlar arzuladı
Daha sonra tədbirdə çıxış edən Lənkəran-Astara regional Təhsil İdarəsinin Masallı rayonu üzrə Təhsil sektorunun əməkdaşı Əyyar Burhanov, Ombudsmanın Cənub Regional Mərkəzinin rəhbəri Ziya İsmayılov və Vətən Müharibəsi iştrakçısı ehtiyatda olan zabit qazi Leytenant Həmid Mənsimov çıxış edərək iştrakçıları qarşıdan gələn Zəfər günü və Bayraq günü münasibəti ilə təbrik edərək onlara gələcək işlərində uğurlar arzulamışlar.
Münsiflər heyəti tərəfindən oyunun qayda və şərtləri izah olunduqdan sonra yarışa start verilib. 8 komandanın iştirakı ilə keçən bilik yarışının ümumi yekun nəticəsinə görə I yerə Gəyəçöl kənd N.Həsənov adına tam orta “Viktoriya” məktəbin komandası, II yerə Ərkivan qəsəbə Z.Nəcəfov adına tam orta məktəbin “Cənub qartalı” komandası, III yerə Ərkivan qəsəbə C.Cabbarlı adına 1 saylı tam orta məktəbin “Qrabağ” komandası layiq görülüb. Fərqləndiyinə görə isə Öncəqala kənd Ə.Məmmədov adına tam orta məktəbin “Everest” komandası diplomla təltif olunub
Qaliblər Masallı rayon Gənmclər və İdman İdarəsi və “Masallı Gənclər evi” SXM-i tərəfindən diplomlarla təltif edilib.
