Masallıda gənc eko-səfirlərin hazırlanması təlimləri başa çatıb
Masallı şəhərində Azərbaycan Respublikasının Qeyri – Hökumət Təşkilatlarına Dövlət Dəstəyi Agentliyinin maliyyə dəstəyi ilə, “Tərəqqi” gəncliyin inkişafı ictimai birliyi tərəfindən icra olunan “SƏHRALAŞMAYAQ”gənc eko-səfirlərin hazırlanması layihəsinin təlimləri başa çatmışdır. Üç günlük davam edən təlimlər 15, 16 və 17 oktyabr 2022-ci tarixlərində keçirilmişdir. Layihənin müddəti iki ay olmaqla 01 sentyabr – 01 noyabr 2022-ci il tarixləri əhatə edir.
Bu barədə məlumat verən “Tərəqqi” gəncliyin inkişafı ictimai birliyinin sədri, layihə rəhbəri Səfərov Raci Ələkbər oğlu qeyd etmişdir ki, təlim onlayn müraciətlər içərisindən Astara, Lənkəran, Masallı, Yardımlı və Biləsuvar rayonlarından seçilmiş 20 nəfər gəncin iştirakı ilə keçirilmişdir. Layihənin məqsədi ətraf mühitin səhralaşmasına qarşı gənc nəslin diqqətini cəlb etmək, bu sahədə ictimai nəzarətin aparılmasında gənclərin fəallığının artırılmasıdır. Layihə keçirilən təlimlərdə enercayzerlərlə və qrup işləri ilə yanaşı yanaşı gənclər və gənclər siyasəti, könüllülük və gənclərin könüllülük fəaliyyəti, ekoloji vəziyyət və ekoloji siyasət, ekoloji sistem, ətraf mühit, onun qorunması və ekoloji tarazlığın saxlanılması, ətraf mühirin qorunmasında gənclərin könüllülük fəaliyyətinin artırılması, gənclərin yaşıl iş yerləri barədə məlumatlandırlması, təbii sərvətlər və onlardan səmərəli istifadə, ölkəmizin ekoturizm və turizm potensialı,”qlobal, regional, milli və lokal problemlər və onların həlli yolları”, ictimai nəzarət və gənclərin ekosəfir kimi fəaliyyəti mövzularında gənclərə təlimlər keçirilmişdir.Təlimlər uyğun mövzular üzrə təlimçilər Samir Axundov və Afiq Məlikov tərəfindən keçirilmişdir.Layihənin davamlılığının təmin eilməsi və gənclər arasında şəbəkələşmənin aparılması məqsədi ilə facebook sosial şəbəkəsində “SƏHRALAŞMAYAN GƏNCLİK” adlı qrup yaradılmışdır.
