Masallıda məişət zorakılığına qarşı müvarizə mövzusunda sorğu
16 noyabr 2024-cü il tarixdə Masallı rayonunun təhsil müəssisələrində məişət zorakılığının yayılma səviyyəsinin və onu törədən səbəblərin monitorinqi məqsədilə sorğular keçirilmişdir.
Azərbaycan Respublikası Prezidentinin 27 noyabr 2020-ci il tarixli 2307 nömrəli Sərəncamı ilə təsdiq edilmiş “Azərbaycan Respublikasında məişət zorakılığı ilə mübarizəyə dair 2020-2023-cü illər üçün Milli Fəaliyyət Planı”nın 12.2.2-ci bəndinin (məişət zorakılığının yayılma səviyyəsinin və onu törədən səbəblərin monitorinqi məqsədilə sorğular keçirilməsi) icrası ilə əlaqədar Masallı Dövlət Regional Kollecində Masallı Rayon İcra Hakimiyyətinin əməkdaşları tərəfindən tələbələr arasında sorğu keçirilmişdir.
Sorğuda məişət zorakılığı və onun növləri, həmçinin məişət zorakılığı ilə bağlı mübarizə tədbirləri barədə suallar verilmişdir. Mövzu ətrafında diskussiyalar aparılmış, təkliflər dinlənilmiş və tələbələri maraqlandıran suallara cavab verilmişdir.
