Masallıda “Peşə və sahə assosiasiyaları yaradılmasının dəstəklənməsi” mövzusunda görüş

23 dekabr 2024-cü il tarixdə Masallı rayon İcra Hakimiyyətinin inzibati binasında Azərbaycan Respublikası Prezidentinin 13 fevral 2020-ci il tarixli, 1816 nömrəli Sərəncamı ilə təsdiq edilmiş “Məşğulluq Strategiyasının həyata keçirilməsinə dair 2020-2025-ci illər üçün Tədbirlər planı”nın müvafiq bəndlərinin, o cümlədən 4.5-ci bəndinin (Peşə və sahə assosiasiyaları yaradılmasının dəstəklənməsi) icrasının təmin edilməsi məqsədi ilə iclas keçirilmişdir.

İclasda Masallı RİH-in məsul işçiləri, Masallı Statistika idarəsi, Maliyyə İdarəsi, Lənkəran-Astara regional məşğulluq filialının Masallı rayon xidmət şöbəsi, Mənzil Kommunal Təsərrüfatı İstehsalat Birliyi, Mənzil İstismar sahəsinin əməkdaşları, Masallı şəhər inzibati ərazi dairəsi üzrə nümayəndəliyi və müxtəlif sahələrdə fəaliyyət göstərən sahibkarlar iştirak etmişdir.

Masallı rayonunda 2024-cü ilin III rübündə (iyul, avqust və sentyabr) 1,387 milyon manat investisiya qoyulduğu qeyd edilmişdir. Masallı rayonuna investorların cəlb edilməsi üçün iş adamları, elm, mədəniyyət, təhsil, səhiyyə və digər Masallıların iştirakı ilə işgüzar görüş keçirilmişdir.

Tədbirdə çıxış edənlər peşə və sahə assosiasiyaların yaradılmasını sahibkarlığın inkişafı, işgüzar əlaqələrin genişləndirilməsi, sahibkarların maraqlarının müdafiəsi, məlumatlılıq səviyyəsinin yüksəldilməsi baxımından çox əhəmiyyətli olduğunu nəzərə çatdırmışdır.

Sonra çıxış edən aidiyyəti qurumların əməkdaşları sahibkarların hüquq və iqtisadi mənafelərinin müdafiə olunması, təşəbbüslərinin dəstəklənməsi, fəaliyyətlərinin əlaqələndirilməsi, sosial dialoqun inkişaf etdirilməsi və digər istiqamətlərdə sahə və peşə assosasiyalarının yaradılmasının önəmi barədə danışıblar.

İclasda diqqətə çatdırılıb ki, sahibkarlara fəaliyyət göstərdikləri istiqamətlərdə tələb olunan ixtisaslı işçilərin hazırlanmasında Dövlət Məşğulluq Agentliyi və rayonda fəaliyyət göstərən Peşə məktəbi vasitəsilə də müvafiq köməkliklər olunur.