Masallıda Polis Akademiyasına qəbulla bağlı görüşlər keçirilib
DİN-in Polis Akademiyasında təhsilə təşviqlə bağlı Masallı rayonundakı ümumtəhsil məktəblərində, həmçinin Rayon Polis Şöbəsinin inzibati binasında yuxarı sinif şagirdləri və onların valideynləri ilə görüşlər təşkil edilib.
Görüşlərdə ali təhsil almaq arzusunda olan şagirdlərə Polis Akademiyasına qəbul qaydaları, kursantların sosial təminatları, imtiyazları barədə, həmçinin daxili işlər orqanlarının və Polis Akademiyasının tarixi ilə ətraflı məlumatlar verilib.
Növbəti tədris ilindən hüquqşünaslıqla yanaşı İnformasiya təhlükəsizliyi ixtisası üzrə də kursant qəbulunun həyata keçiriləcəyi nəzərə alınaraq qəbulun şərtləri barədə məktəblilər məlumatlandırılıb. Görüş iştirakçılarına Polis Akademiyasının fəaliyyətini özündə əks etdirən qısametrajlı tanıtım videoçarxı nümayiş etdirilib.
