Masallıda “Xeyirxahlıq mücəssəməsi” adlı tədbir
07 iyul 2023-cü il tarixdə Masallı rayon Mərkəzi Kitabxanasında tanınmış xeyriyyəçi Hacı Zeynalabdin Tağıyevin anadan olmasının 200 illik yubileyinə həsr olunan “Xeyirxahlıq mücəssəməsi” adlı tədbir keçirilib. Əvvəlcə şəhidlərimizin və Hacı Zeynalabdin Tağıyevin xatirəsi bir dəqiqəlik sükutla yad edilib.
Tədbiri giriş nitqi ilə açan kitabxananın əməkdaşı Ağahüseyn Hüseyni xeyirxahlıq əməlləri ilə böyük iftixar sahibi olan Hacı Zeynalabdin Tağıyevin cəmiyyətdə tutduğu mövqeyindən, ölkənin ictimai-iqtisadi və mədəni-maarif sahəsində misilsiz xidmətlərindən bəhs etmişdir.
Sonra kitabxanaın digər əməkdaşı Bilqeyis Məmmədova H.Z. Tağıyevin müdrikliyi, heyranedici səxavəti, xalqının gələcəyinə qayğısı ilə nəsillərin yaddaşında silinməz iz qoyduğunu məruzə ilə diqqətə çatdırıb.
