Masallıda “Zəfər kuboku” adlı taekvondo idman növü üzrə rayon birinciliyi
Masallıda Zəfər Gününə həsr edilmiş “Zəfər kuboku” adlı taekvondo idman növü üzrə rayon birinciliyi keçirilib.
03-04 noyabr 2022-ci il tarixdə Masallı Rayon Gənclər və İdman İdarəsinin təşkilatçılığı ilə Taekvondo Mərkəzində Zəfər Gününə həsr olunmuş “Zəfər kuboku” adlı taekvondo idman növü üzrə uşaqlar və azyaşlı yeniyetmələr arasında rayon birinciliyi keçirilib.
Yarışın mükafatlandırılma mərasimində Masallı rayon Gənclər və İdman İdarəsinin rəisi Sabiq Cahangirov çıxış edərək idmançıları Zəfər günü münasibəti ilə təbrik edərək yarışın keçirilməsində əsas məqsədin Rayonda taekvando idman növünə olan marağın artırılması, idmançılar arasında dostluq əlaqələrinin möhkəmləndirilməsi və uşaq və yeniyetmələrin zərərli vərdişlərdən uzaqlaşdırılması həmçinin Zəfər gününün rayonda təntənəli şəkildə qeyd olunmasından ibart olduğunu bildirdi. Sonda bir daha qalib idmançılraı təbrik edərək onlara gələcək yarışlarda uğurlar arzuladı.
Birincilikdə 70-ə yaxın idmançı gücünü sınayıb.
Yarışlar gərgin və maraqlı mübarizə şəraitində keçib.
Birinciliyin yekun nəticələrinə əsasən müxtəlif çəki dərəcələrində ilk üç yeri tutan idmançılara təşkilat komitəsinin diplomları təqdim olunub.
