“Qəhrəmanları tanıyaq” layihəsi çərçivəsində qazilərlə görüş
Masallı Tarix-Diyarşünaslıq Muzeyi “Qəhrəmanları tanıyaq” layihəsi çərçivəsində R. Əlihəsənov adına Masallı şəhər 1 saylı tam orta məktəbində qazilərlə görüş keçirib.
Tədbirdə muzeyin əməkdaşları, məktəbin müəllim və şagird kollektivi, qazilər iştirak edib.
Əvvəlcə şəhidlərin əziz xatirəsi bir dəqiqəlik sükutla yad edilib.
Tədbirdə çıxış edən Muzeyinin direktoru Əntiqə Tağıyeva Birinci Qarabağ və 44 günlük Vətən müharibəsi haqqında şagirdlərə ətraflı məlumat verib.
Sonra Vətən müharibəsi iştirakçılarından Bəşirov Çingiz, Qurbanov Nuru, Əlirzayev Orxan, Cahangir Məmmədov,Cabbarov Nəcmi çıxış edərək 44 günlük Vətən müharibəsi zamanı keçdikləri şərəfli döyüş yolu ilə bağlı xatirələrindən danışıblar.
Daha sonra şəhid anası Mehriban Sultanzadə qazilər danışarkən gözünün önündə oğlunu canlandıraraq böyük qürur hissi yaşadığını söylədi. O, daima dövlət, xalq tərəfindən şəhid ailələrinə, qazilərə göstərilən diqqət və qayğıya görə dərin təşəkkürünü ifadə etdi.
Sonra məktəblilər bəzi suallar verərək, qazilərə göstərdikləri qəhrəmanlığa görə minnətdarlıqlarını bildirdilər.
