Şəhid Ramazan Vəliyevin şəhadətinin 5-ci ildönümü anıldı
01 dekabr 2025-ci il tarixində Masallı rayonunun Şərəfə kəndində şəhid Vəliyev ramazan Hilal oğlunun şəhadətinin 5-ci ildönümü anılmışdır.
Şəhid Ramazan Vəliyevin şəhadətə yüksəlməsinin 5-ci ildönümü ilə əlaqədar Masallı rayon Polis şöbəsinin rəisi Azay Ağayev və kollektivi, Masallı Rayon İcra Hakimiyyəti Başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, aparatın İctimai-siyasi və humanitar məsələr şöbəsinin müdir müavini Abbas Abbaszadə, ərazi nümayəndəliyinin əməkdaşları, bələdiyyə sədri, din xadimləri, şəhid ailələri və kənd sakinləri birlikdə şəhidin məzarını ziyarət etmiş, ruhuna dualar oxumuşlar.
Şəhidin ailə üzvləri onlara göstərilən diqqət və qayğıya görə Cənab Prezident İlham Əliyevə, Birinci Vitse-Prezident Mehriban xanım Əliyevaya və rayon rəhbərliyinə minnətdarlıqlarını ifadə ediblər.
