Şəhid Sübhan Həsənovun anım mərasimi
07 dekabr 2022-ci il tarixdə Masallı şəhərindən olan 44 günlük Vətən müharibəsinin şəhid əsgəri Sübhan Həsənovun anım mərasimi keçirilib.
Anım mərasimində Masallı Rayon İcra Hakimiyyətinin başçısı cənab Araz Əhmədov və aparatı, hüquq-mühafizə orqanlarının rəhbərləri, SHXÇDX Masallı rayon şöbəsinin, YAP Masallı Rayon Təşkilatının əməkdaşları, şəhid ailələri, qazilər, Masallı şəhərinin sakinləri və media nümayəndələri iştirak ediblər.
Azərbaycan Silahlı Qüvvələrinin şəhid əsgəri Sübhan Həsənovun ailəsini ziyarət edən Masallı Rayon İcra Hakimiyyətinin başçısı Araz Əhmədov və qonaqlar ailənin qayğıları ilə maraqlanmış və hər zaman onların yanında olduqlarını bildirmişlər.
«Vətən uğrunda», «Cəsur döyüşçü» və «Suqovuşanın azad olunmasına görə» medallı, Azərbaycan Silahlı Qüvvələrinin şəhid əsgəri Sübhan Həsənovun ailəsi onlara göstərilən diqqət və qayğıya görə ölkə başçısı cənab İlham Əliyevə, Birinci vitse-prezident Mehriban xanım Əliyevaya, rayon rəhbərliyinə və qonaqlara minnətdarlığını ifadə etdi.
