Babayev Sahil Sarıbala oğlu
Babayev Sahil Sarıbala oğlu 21 sentyabr 1992-cı ildə Masallı rayonu Ərəb kəndində anadan olmuşdur. Orta təhsilini Masallı rayonu, Hacıtəpə kənd tam orta məktəbində almışdır.
Azərbaycan Daxili Qoşunlarının hərbi qulluqçusu olan Babayev Sahil Sarıbala oğlu Azərbaycan Respublikasının Silahlı Qüvvələri tərəfindən 21 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Kəlbəcər rayonu istiqamətində gedən döyüşlərdə şəhid olmuşdur.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Daxili Qoşunlarının hərbi qulluqçusu Babayev Sahil Sarıbala oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilmişdir.
Ailəli idi, Vətənə yadigar 3 övladı qalmışdır.
Şəhid Babayev Sahil Masallı rayonu Ərəb kənd qəbiristanlığında dəfn edilmişdir.
Ata: Babayev Sarıbala Salman oğlu - Ərəb kənd ümumi orta məktəbin direktorudur.
Ana: Babayeva Aminə Ulduzəli qızı - Evdar xanımdır.
Həyat yoldaşı: Babayeva Nərmin Alim qızı - LDU-nun I kurs tələbəsidir.
Oğlu: Babayev Samir Sahil oğlu - 14.07.2016-cı ildə anadan olub. Ərəb kənd ümumi orta məktəbin III sinif şagirdidir.
Oğlu: Babayev Elçin Sahil oğlu - 24.07.2018-ci ildə anadan olub. Ərəb kənd ümumi orta məktəbin I sinif şagirdidir.
Qızı: Babayeva Milay Sahil qızı - 04.10.2020-ci ildə anadan olub. Azyaşlıdır.
