Əhədov Eltac Əjdər oğlu
Əhədov Eltac Əjdər oğlu 2004-cü il avqust ayının 4-də Masallı rayonu Təzə Alvadı kəndində anadan olmuşdur. Eltac Əhədov orta təhsilini Çaxırlı kənd tam orta məktəbində almışdır. Subay idi. Ailənin tək övladı idi.
Eltac Əhədov Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror əməliyyatları zamanı Laçın istiqamətində gedən döyüşlərdə şəhid olmuşdur. Masallı rayonunun Təzə Alvadı kənd qəbiristsanlığında dəfn olunmuşdur.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Eltac Əhədov Azərbaycan Respublikasının Prezidenti İlham Əliyevin sərəncamına əsasən "Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilmişdir.
Ata: Əsgərov Əjdər Əbülhəsən oğlu - Fərdi əmək.
Ana: Əhədova Sevinc Canbala qızı - 2020-ci ildə vəfat etmişdir. Çaxırlı kənd qəbristanlığında dəfn edilmişdir.
