Həsənli
Kəndin adı: Həsənli
Əhalisi: 2879 nəfər
Ərazisi: 827 ha
Coğrafi mövqeyi:
Düzənlik ( aran-rayonun Muğan zonası ).
Kəndin əsas məşğuliyyəti:
Heyvandarlıq və əkinçilik
Həmsərhəd olduğu kəndlər:
Məmmədxanlı, Təkdam, Köçəkli, Ərəb, Hacıtəpə, Sığıncaq və Çaxırlı
Kəndin adının mənası:
Həsənli kəndi təqribən 350 il bundan əvvəl qurulmağa başlamışdır. 2 rəy var. 1) Urmiya ətrafından gələn Həsənli tayfalarından ibarətdir. 2) Kənddə məskunlaşan ilk adamın Həsənin adı ilə adlandırılıb.
Kəndin tarixi abidələri:
Həsənli kənd Məscidi, XIX əsrin son illərində 1880-ci ildə tikilmişdir, əsaslı təmir edilib, Seyid Sadıq Məqbərəsi cəmiyyətin inanc yerinə çevrilib.
Kənddə ilk məktəbin açıldığı tarix:
Kənddə ilk məktəb ibtidai məktəb olmaqla 1936-cı ildə açılmışdır
Kəndin ilk ali təhsillisi:
Bəşirov İdris Həsən oğlu – Kənd təsərrüfatı institutunu qurtarıb, uzun müddət rəhbər vəzifələrdə işləmişdir. Əhədov Hüseynbala Maqsud oğlu – uzun müddət partiya və sovet orqanlarında işləmiş, rayon təhsil şöbəsinin müdiri vəzifəsində işləmişdir.
Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında:
Soltanov Hünər Musa oğlu (1974-1993).1993-cü ildə Ağdərə döyüşlərində şəhid olmuşdur.
Musayev Azər Ərzuman oğlu (1965-1994).1994-cü ildə mayın 8 - də Goranboy döyüşlərində yaralanmış və şəhid olmuşdur.
Orucəliyev Qurbanəli Əlibala oğlu (1974-1995).1995-ci ildə cəbhə xəttində hərbi xidməti yerinə yetirən zaman minaya düşərək şəhid olmuşdur.
Fərəcov Röyal Təşər oğlu (1992-2010) cəbhə xəttində hərbi xidməti yerinə yetirən zaman şəhid olmuşdur.
Kəndin ziyalıları haqqında:
Məmmədov Məmmədhüseyn İlyas oğlu – Elmi tədqiqat genetika institutunda elmi işlə məşğul olmuş, biologiya elmləri namizədi adını almış, uzun müddət həmin institutun həmkarlar təşkilatının sədri və partiya təşkilatının katibi olmuş seleksiy-genetke bölməsinin rəhbəri işləmişdir.
Əsədov Aslan Rəcəb oğlu (Aslan Həsənli) şair – 4 şerlər kitabı çapdan çıxmışdır. Azərbaycan Yazıçılar birliyinin üzvüdür.
Dadaşov İlham Qulam oğlu-Şair 3 şerlər kitabı çapdan çıxmışdır.
Qafarov Sudeyif Abbas oğlu – “Ənbiyyalar məclisi” adlı cildlik dini – fəlsəfi kitabı çapdan çıxmışdır.
Kəndin din xadimləri:
Məşədi Gülməmməd Nurməmməd oğlu, XVIII əsrin 90-cı illərində kənddə ilk mədrəsə açmışdır. Hacı Məmməd Manaf oğlu - 1850-1910-cu illərdə yaşamış, kənd qəbiristanlığının və məscidinin sahəsini cəmiyyətin istifadəsi üçün bağışlamışdır. Molla Abbas Qafarov - Fədai Təxəllüsü ilə qəzəl, qəsidə, mərsiyələr yazmış ,zamanın savadlı din alimi olmuş, kənddə klub və hamam onun şəxsi memarlığı və ustalığı ilə tikilmişdir.
Kəndin adı:Köçəkli
Əhalisi:1896 nəfər
Ərazisi:588 ha
Coğrafi mövqeyi:
Xəzər dənizinin çökəkliyində yerləşir
Kəndin əsas məşğuliyyəti:
Heyvandarlıq və ovçuluq
Həmsərhəd olduğu kəndlər:
Ərəb, Həsənli, Təkdam, Eminli
Kəndin adının mənası:
Köçmək sözündən götürülərək ,köçəri tayfalarının oturaq həyata keçməsindən əmələ gəlmişdir. Kəndin 400 ildən artıq yaşı var .Şirvan zonasından köçüb gələn köçəri tayfaların məskunlaşdığı qeyd olunur.
Kənddə ilk məktəbin açıldığı tarix:
Kənddə ilk məktəb 1945-ci ildə 4 illik ibtidai məktəb açılmışdır
Kəndin ilk ali təhsillisi:
Xəlilov Malik Babalı oğlu – Lənkəran Tibb məktəbini bitirmiş , ömrünün sonuna kimi Eminli tibb məntəqəsinin müdiri işləmişdir.
Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında:
Rəhimov Sərhəddin Yadulla oğlu (1973-1992)
Yaqubov Ceyhun Sabir oğlu (1974-1993)
Şamiyev Fəttah Hümmət oğlu (1975-1996)
Kəndin ziyalıları haqqında:
Hüseynov Əyyar Şahverən oğlu - Azərbaycan Aqrar universitetində müəllim işləyir. Zoologiya elmləri doktoru, professordur.
Xəllov Cəlil Malik oğlu – Dövlət idarəçilik akademiyasında müəllim işləyir. Siyasi elmlər üzrə fəlsəfə doktorudur.
Quliyev Nurəddin Əlihüseyn oğlu -Azərbaycan Slavyan universitetində təsərrüfat işləri üzrə prorektor işləyir, elmlər namizədidir.
Kəndin din xadimləri:
Molla Qayib Əhməd oğlu - XX əsrdə kəndin savadlı din xadimi olmuşdur, islam dininin inkişafında böyük rolu olmuşdur.
Hacı Ağamirzə Xəlilov – Köçəkli kəndində ilk məscidinin tikilməsində böyük xidməti olmuşdur, kəndin bütün dini mərasimlərinin həyata keçirilməsində yaxından iştirak etmişdir.
Kəndin adı:Təkdam
Əhalisi:548nəfər
Ərazisi:260 ha
Coğrafi mövqeyi:
düzənlik
Kəndin əsas məşğuliyyəti:
Əkinçilik və heyvandarlıq
Həmsərhəd olduğu kəndlər:
Köçəkli, Şəhriyar , Məmədxanlı, Həsənli, Ərəb
Kəndin adının mənası:
Məhərrəm adlı şəxs yurd salmış ,onun tək binası olduğuna görə Təkdam deyilmişdir.Kəndin tarixi 200 ilə yaxın bir dövrü əhatə edir.
Kəndin adı:Məmmədxanlı
Əhalisi:468 nəfər
Ərazisi:308 ha
Coğrafi mövqeyi:düzənlik
Kəndin əsas məşğuliyyəti:
Əkinçilik , heyvandarlıq
Həmsərhəd olduğu kəndlər:
Həsənli, Bala Təklə , Kürdəbaz, Şəhriyar, Təkdam
Kəndin adının mənası:
Kəndin bünövrəsi təqribən 300 ildən yuxarı qoyulmuşdur. Kəndin ilk sakini Məmmədxanın şərəfinə adlandırılıb.
Kənddə ilk məktəbin açıldığı tarix:
Kənddə ilk məktəb 1980-ci ildə ibtidai məktəb açılmış ,1986-cı ildə isə ictimaətin köməyi ilə binasıtikilmiş, natamam orta məktəb kimi fəaliyyət göstərir.
Kəndin ziyalıları haqqında:
Hüseynov Tofiq Yadulla oğlu-Şair jurnalistdir. Şirvan Şəhərində yaşayır. 10 yaxın şerlər kitabının – oçerk, povest və publisistik əsərlərin müəllifidir.
Abıyev Mikayıl Süleyman oğlu- Ali partiya məktəbini bitirmiş, uzun müddət sovet və partiya işində, rayondarəhbər vəzifələrdə çalışmışdır. Məmmədxanlı kəndindəki sovxoz onun adını daşımışdır.
