Məmmədov Ramil Habil oğlu
Məmmədov Ramil Habil oğlu 2004-cü il oktyabr ayının 18 -də Masallı rayonun Allahyarlı kəndində anadan olmuşdur. Ramil Məmmədov orta təhsilini Masallı rayonu şəhid Z.Nəcəfov adına Bədirli kənd tam orta məktəbində almışdır.
Azərbaycan Silahlı Qüvvələrinin hərbi qulluqçusu olan Məmmədov Ramil Habil oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdam rayonu Xanabad kəndi istiqamətində gedən döyüşlərdə şəhid olmuşdur.
Məmmədov Ramil Habil oğlu Masallı rayonu Allahyarlı kənd qəbiristanlığında dəfn edilmişdir.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Məmmədov Ramil Habil oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilmişdir.
Ana: Məmmədova Aygün Güloğlan qızı - Evdar xanımdır.
Bacı: Məmmədova Əsmər Habil qızı - 07.07.2008-ci il anadan olub. Z.Nəcəfov adına Ərkivan qəsəbə 2 saylı tam orta məktəbin XI sinif şagirdidir.
Qardaş: Məmmədov Məhəmməd Habil oğlu - 27.10.2014-cü il anadan olub. Z.Nəcəfov adına Ərkivan qəsəbə 2 saylı tam orta məktəbin V sinif şagirdidir.
