Məmmədov Səfəralı Qurban oğlu
Məmmədov Səfəralı Qurban oğlu 14.10.1963-cü ildə Masallı rayonu Sərçuvar kəndində anadan olub.1991-ci ildə müharibəyə yollanıb, 1992-ci ilin fevral ayının 16-ında Erməni quldurlarının muhasirəsində olan Xocavənd rayonunun Qaravəlli kənd sakinlərini xilas edərkən onun Komandir olduğu Taqim minaya düşmüşdür. Azərbaycan xalqının igid oğlu Səfəralı Məmmədov xidməti vəzifəsini yerinə yetirərkən qəhrəmancasına 16.02.1992-ci ildə şəhid olmuşdur. Ölümündən sonra ona Azərbaycan Respublikasının ”MİLLİ QƏHRAMAN” fəxri adı verilmişdir. Qəhramanın adına Masallı səhərində küçə, Sərçuvar kəndində məktəb və onun ucaldılmış Abidəsi vardır. Subay idi. Atası Qurban Məmmədov vəfat edib. Anası Şahdəstə Məmmədova hal-hazırda təqaüdçüdür və Masallı rayonunun Sərçuvar kəndində yaşayır.
