Mirzəyev Sənan Vüqar oğlu
Mirzəyev Sənan Vüqar oğlu 2004-cü il dekabr ayının 24 -də Masallı şəhərində anadan olmuşdur. Sənan Mirzəyev orta təhsilini Masallı şəhəri 3 saylı tam orta məktəbində almışdır.
Azərbaycan Silahlı Qüvvələrinin hərbi qulluqçusu olan Mirzəyev Sənan Vüqar oğlu Azərbaycan Respublikasının Silahlı Qüvvələri tərəfindən 20 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Ağdam rayonu Paravənd kəndi istiqamətində gedən döyüşlərdə şəhid olmuşdur.
Mirzəyev Sənan Vüqar oğlu Masallı şəhəri Mərkəzi qəbiristanlığında dəfn edilmişdir.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Silahlı Qüvvələrinin hərbi qulluqçusu Mirzəyev Sənan Vüqar oğlu Azərbaycan Respublikasının prezidenti İlham Əliyevin sərəncamına əsasən “Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilmişdir.
Ata: Ağayev Vüqar Şirin oğlu - Vəfat etmişdir.
Ana: Mirzəyeva Pərvin Zahir qızı - Bakı şəhərində fərdi əməklə məşğuldur.
Qardaş: Mirzəyev Anar Vüqar oğlu - Vətən müharibəsi iştirakçısıdır. Fərdi əməklə məşğuldur.
