Qızılavar

Kəndin adı: 
Qızılavar

Əhalisi: 
2479 nəfər.

Ərazisi: 
523 hektar.

Coğrafi mövqeyi: 
Qızılavar kəndi Talış dağları ilə Xəzər dənizi arasında Masallı rayonun Ərkivan-Boradigah-Rüdəkənar şose yolunun üstündə yerləşir. Rayon mərkəzindən 5-6 km aralıdır. Şosse yolu kəndi iki hissəyə bölür: Şərq hissə məzə sahəsi adlanır, əsasən çökəklik və düzənlikdir. Qərb hissə bandaro (dağ yolu) adlanır. Bu ərazi nisbətən hündürdür, əsasən təpəliklərdən ibarətdir. Kəndin cənubundan Qodman çay axır.

Kənddəkilərin əsas məşğuliyyəti: 
Heyvandarlıq, taxılçılıq və ticarət kəndin əsas məşğuliyyət sahələridir.

Həmsərhəd kəndləri: 
Qızılavar kəndi qərbdən Kolatan və Bala Kolatan kəndləri ilə, şərqdən Çayqıraq kəndi ilə, şimaldan Dəlləkoba və Pircana kəndləri ilə, cənubdan Aşurlu, Bədəlan kəndləri ilə həmsərhəddir.

Kəndin adının mənası: 
Bir çox qaynaqlarda elmi ədəbiyyatlarda Qızılavar “Gızılovo” və “Qızılabad” şəkilində qeyd olunur. Bu toponimin “qızıl küləkli yer” və “isti küləkli yer”, “qızıl rəngli yer”, “Qızıl torpaqlı yer” və sair mənaları vardır.

Kəndin tarixi abidələri: 
Qızılavar qəbristanlığı - Qoçabəy təpəsi adlanır, kurqandur. 
Qızılavar kəndinin Toyba məhəlləsindəki məscid. XIX əsrə aid tarixi abidə, təmir olunub.
Qızılavar kəndinin Peysə məhəlləsindəki məscid. Təzə tikilib.
Piə Seydi Ğəb ocağı - Pirani seyidin dəfn olunduğu yer. Ocağın dəqiq tarixi məlum deyil. Yaşlı sakinlərin dediklərinə görə buralardan keçən, yaxud bu ətrafda yaşayan qoca seyid burada vəfat etmiş və dəfn olunmuşdur. Qəbirin üstündə daş qoç başı fiquru vardır. Bəlkə də bu başdaşıdır. Qoca seyidin kəndin ilk sakinlərindən olduğu da söylənilir. Həmin qəbir istilin içində kiçik bir təpədə yerləşirdi, ətrafı su bassa da təpəyə su çıxmazmış. Bu müqəddəs yerə qonşu rayon və kəndlərdən də adamlar ziyarətə gələrmiş, indi də gəlirlər. Hal-hazırda ocağın ətrafı abadlaşdırılıb. 
Qızılavar qəbristanlığındakı 1795-ci ilə aid daş kitabə - baş daşı. Nəbati elementlərdən istifadə olunaraq yazılan və gözəl ornamentə oxşayan kitabənin mətni belədir: “Hüvəl-baqi. Molla şüca ad-Din ibn Aşur bək. Vəfatuhu fi şəhri rabi”səni, mutabiq sənə 1210-O (Allah) əbədidir. Aşur bəy oğlu Molla Şücaəddin. Vəfatı 1210-cu il rabi səni ayı (1795, oktyabr)
Ləm - yay istirahəti üçün ətrafı açıq olan iki mərtəbəli tikili. Kəndimizdə belə tikililər çox olmuşdir. Hazırda Nüsrətin ləmi kimi tanınan bir ləm qalmışdır.
Mədəli Hüseynin evi - iki mərtəbəli ev. 300 ilə qədər tarixi var. “Mədəli Hüseyni evi”nin birinci mərtəbəsi çiy kərpicdən hörülmüşdür. Divarın qalınlığı 60 sm-dən çoxdur. Otaqlarda qab-qacaq qoymaq üçün xeyli rəflər düzəldilmişdir. Evin ikinci mərtəbəsi ağacdan,taxta parçalarından tikilmiş, onların araları samanla qarışdırılmış palçıqla doldurulmuşdur. Divarın üstü palçıqla suvanmışdır.İkinci mərtəbənin tavanı da pqlçıqla suvanıb ki, evə soyuq daxil olmasın. Evin damı kirəmitlə örtülmüşdür. Damın ətrafında taxta üzərində bəzəklər vurulmuşdur. Uzun illərin zəlzələri, tufanları, küləkləri evə zərrə qədər təsir etməmişdir.
1941-1945 ci illərdə Böyük Vətən Müharibəsində həlak olanlaın xatirəsinə ucaldılmış abidə.
Qızılavar kənd ümumi orta məktəbin hazırki binası. 1956-cı ildən məktəb bu binaya köçürülüb

Kənddə ilk məktəbin açılması:
İlk məktəb binası 1930- cu ildə tikilib. Bu məktəb binası əvvəl üç otaqlı, sonra altı otaqlı olmuşdur. Bu məktəbin tikintisində kənd sakini Soltan Axundovun xidmətləri böyük olmuşdur.

Kəndin ilk Ali təhsillisi:
Əlövsət Axundov 1920-ci illərin əvvəllərində Leninqradda (Sank-Peturburq) Ali iqtisad təhsili almışdır. Vətənə qayıdarkən xəstələnib, vəfat etmişdir.

Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında: 
Mirzəyev Əfqan Tərlan oğlu 
03 yanvar 1973-cü ildə Masallı rayonun Qızılavar kəndində anadan olmuşdur. 1988-ci ildə Qızılavar kənd orta məktəbin VIII sinfini bitirmişdir. Sonra 137 saylı Bədəlan kənd Texniki Peşə məktəbində təhsil almışdır. O 1991-ci ilin yazında ordu sıralarına çağırılmışdır. Ağdam bölgəsinin Şahbulaq, Xındırıstan, Şelli, Muğanlı və Qasımlı kəndlərinin ermənilərdən müdafiə ulunmasında fədakarlıq göstərmişdir. Uzundərə uğrunda gedən döyüşdə onun idarə etdiyi tank minaya düşmüş özü və iki yoldaşı yaralanmışdır. O bir müddət müalicə olunduqdan sonra yenidən döyüş bölgəsinə qayıtmışdır. Əfqan Mirzəyev 1993-cü il iyulun 18-də Ağdamın Qasımlı kəndi uğrunda gedən döyüşdə qəhrəmancasına həlak olmuşdur. Subay idi. Qızılavar kənd qəbiristanlığında dəfn olunmuşdur. Hazırda Qızılavar kənd tam orta məktəbi onun adını daşıyır.

Böyük Vətən müharibəsində iştirak edənlər: 115 nəfər
Həlak olanlar - 54 nəfər
Sağ qalanlar - 2 nəfər 

Kəndin ziyalıları haqqında:
Payızov Müqəddəs Güləli oğlu 
şərqşünas, filologiya elmləri namizədi. O 1946-cı ildə Masallı rayonun Qızılavar kəndində anadan olmuşdur. 1952-1959-cu illərdə Qızılavarda, 1959-1963-cü illərdə qonşu Bədəlan kəndində təhsil almış, orta təhsili başa vurmuşdur. 1963- cü ildə Bakı Dövlət Universitetinin Şərqşünaslıq fakültəsinin ərəb dili şöbəsinə daxil olmuşdur. Azərbaycan Televiziyasında ərəb dilində verilişlər redaksiyasında, Əlyazmalar İnstitutunda işləmişdir. “XVI əsr türkdilli əlyazma abidəsi “Tərcüman-əs Sihan”-ın dil və kaleoqrafik təhlil” mövzusunda elmi iş yazmış, müdafiə etmiş və elmlər namizədi adını almışdır. Azərbaycan Elmlər Akademiyası Əlyazmalar İnstitutunda Baş elmi işçi işləmiş, 35 elmi məqalənin müəllifi, 8 kitabın tərtibçisi, bir neçə kitabın tərcüməçisidir.

Payızov Cəmil Nəbiəli oğlu 
1955-ci ildə Masallı rayonun Qızılavar kəndində anadan olmuşdur. Hazırda Maliyyə Nazirliyində işləyir

Ağayev Elnur Xanəli oğlu 
1971-ci ildə Masallı rayonun Qızılavar kəndində anadan olmuşdur. Qızılavar kənd məktəbini bitirmişdir. Sovet ordusunda xidmət etmişdir. 1992-ci ildə Ankara şəhərində Hacıtəpə Universitetinin tarix fakültəsinə dail olmuş, 1997-ci ildə Hacıtıpə Universitetini bitirmişdir. “Yeni Türkiyə” nəşriyyatında uzun müddət işləmişdir. Hal-hazırda Kıprız Respublikasında “Avropa” Universitetində müəllim işləyir. Tarix elmləri namizədir.

Elmlər doktoru: Əzizov Vəsadət Əli oğlu 
Azərbaycan Tibb Universitetinin kafedra müdiri, tibb elmləri doktoru, professor. 1955-ci ildə Masallı rayonun Qızılavar kəndində anadan olmuşdur. 1972-ci ildə Ə. Mirzəyev adına Qızılavar kənd tam orta məktəbini bitirmiş, Azərbaycan Dövlət Tibb Universitetinə daxil olmuşdur. 1978-ci ildə universiteti bitirdikdən sonra bir il 1 saylı Bakı şəhər klinik xəstəxanasının bazasında internatura kursunu bitirmişdir. 1979-1983-cü illərdə Naxçıvan Respublika xəstəxanasında həkim (terapevt, kordioloq) vəzifəsində çalışmışdır. 1983-cü ildə Azerbaycan Dövlet Tibb Universitetinə “Daxili xəstəliklər” ixtisası üzrə aspiranturaya daxil olmuş və 1985-ci ildə Moskva şəhər Ümumittifaq Kardioloji Elmi Mərkəzində müvəffəqiyyətlə və vaxtından əvvəl namizədlik dissertasiyası müdafiə etmişdir. 1985-1990-cı illərdə Azərbaycan Dövlət Tibb Universitetində əvvəl baş laborant, sonra isə assistent vəzifəsində işləmişdir. 1990-cı ildə Moskva şəhər Ümumittifaq Kardioloj Elmi mərkəzinə məqsədli doktoranturaya göndərilmişdir. 1993-cü ildə V. Əzizov doktorluq dissertasiyasını müdafiə etmiş və 1994-cü ilədək Azerbaycan Dövlət Tibb Üniversitetinin Pediatriya fakültəsinin Daxili Xəstəliklər kafedrasında assistent vəzifəsində çalışmışdır. 1994-cü ilin iyun ayının 22-dən 1998-ci ilin oktyabr ayının 12-dək akademik J. Abdullayev adına Elmi-tədqiqat Kardilogiya institutunun direktoru vəzifəsində işləmişdir. Hazırda Azerbaycan Dövlət Tibb Üniversitetinin Daxili xəstəliklər kafedrasının müdürüdür. İngilis və fransız dillərini bilir. 2000-2005-ci illərdə Azərbaycan Respublikası Milli Məclisinin deputatı olmuşdur.160-dan çox elmi əsərin, o cümlədən 6 monoqrafiya, dərslik və dərs vəsaitinin müəllifidir. Əsərləri dünyanın bir çox ölkəsində çap olunmuşdur. Beynəlxalq konqreslərdə iştirak etmiş, bir sıra bölmə iclaslarında sədrlik etmişdir. Evlidir, iki övlad atasidir.

Kəndin din xadimləri:
Axundov Allahqulu 
İranda təhsil almışdır. Böyük din xadimi olmuşdur. Çoxlu dini kitablar yazmışdır. İranda yaşamış, hazırda vəfat etmişdir. 

Axundov Möhsün Bakıda Qazi vəzifəsində işləmişdir. 

Molla Eynulla 
öz evində və Aşurlu məscidində dərs deyib. Qızılavar kəndində məscidin tikintisində xidmətləri olmuşdur. 1920- ci illərin əvvəllərində vəfat etmişdir. 

Molla Muxtar Eynulla oğlu 
İran İR-da təhsil almışdır. Orada yaşayıb vəfat etmişdir. Molla Mirzəcan - öz dövründə yeni doğulmuş uşaqların qeydiyyatını aparmış Qızılavar məscidinə minbər bağışlamışdır.

Ölkədən kənarda yaşayan kənd xeyriyyəçiləri haqqında: 
Əliyev Qardaşxan Sərxan oğlu 
Masallı rayonun Qızılavar kəndində anadan olmuşdur. Hal-hazırda Rusiya Federasiyasında sahibkarlıqla məşğul olur.

Fətullayev Həbib Nübuvvət oğlu 
Masallı rayonun Qızılavar kəndində anadan olmuşdur. Hal hazırda Rusiya Federasiyasında sahibkarlıqla məşğul olur. 

Kəndin digər tanımışları:
Ağacanov Həsanağa İzzət oğlu 
1950-ci illərin sonunda Masallıda keçirilən musiqi festivalında xanəndəlik üzrə qalib olmuşdur. Moskvada keçiriləcək festivala vəsiqə qazanmışdır. 

Abbasov Qəribəli Zaman oğlu 
1950-ci illərin sonunda Masallıda keçirilən musiqi festivalında zurna-balaban üzrə qalib olmuşdur. Moskvada keçiriləcək festivala vəsiqə qazanmışdır. 

Şahbazov Tofiq (Tofiq İlham) Eynəli oğlu, şair 
1941-ci ildə Masallı rayonun Qızılavar kəndində anadan olmuşdur. 9 yaşında 1-ci sinfə getmiş, 4-cü sinifdə oxuyarkən gözlərinin işığını itirmişdir. 1963-cü ildə Bakı Dövlət Universitetinin filologiya fakültəsinə daxil olmuşdur. 1968-ci ildə Universiteti bitirdikdən sonra Qızılavar kəndimdə müəllim işləmişdir. 14-15 yaşlarından yaradıcılığa başlamışdır. Şerlərini talış və Azərbaycan dillərində yazmışdır. O “Kafte”, “Qizil gül”, “İki xoruz”, “Kərbəladan gələn səslər”, “Kitabların anası”, “Xəzinələrin açarı”, “Əz toloşim” kitablarının müəllifidir. Tofiq İlham 1998-ci ildən Azərbaycan Yazıçılar Birliyinin üzvü idi. 1999-cu ildə vəfat etmişdir.

Ağayev Xanəli (Xanəli Tolış) Şirəli oğlu, şair 
1940-cı ildə Masallı rayonun Qızılavar kəndində anadan olmuşdur. 1958-ci ildə Bədəlan kənd orta məktəbini bitirmiş. 1969-cu ildə Bakı Dövlət Universitetininin tarix fakültəsinin qiyabi şöbəsini bitirmişdir. 1961- ci ildə Qızılavar kənd səkkizillik məktəbində pedaqoji fəaliyyətə başlamış, 2011-ci ildə pedaqoji fəaliyyətini başa vurmuşdur. O cümlədən 3 il hərbi xidmətdə olmuş və 25 il məktəb direktoru işləmişdir. Bədii yaradıcılığa 1956-cı ildən başlayıb. Xanəli Tolışın 5 kitabı şap olunmuşdur. “Qaranquş yuvası”, “Vənəşə”, “Şinə çay”, “Kərbəla karivanı”, “Bağışla”. 2003-cü ildən Azərbaycan Yazıçılar Birliyinin üzvüdür.

Ağayev Camal (Camal Lələ oğlu) Şirəli oğlu, şair 
1952-ci ildə Masallı rayonun Qızılavar kəndində anadan olmuşdur. 1957-1968-ci illərdə Qızılavar, 1968-1969-cu illərdə Bədəlan kənd orta məktəblərində oxumuşdır. 1969-1974-cü illərdə Bakı Dövlət Universitetinin filologiya fakültəsində təhsil almışdır. 1974-1975-ci illərdə Neftçala rayonun Qədimkənd orta məktəbində pedaqoji fəaliyyətə başlamışdır. 1975-1984-cü illərdə Masallı rayonun Qızılavar kənd orta məktəbində dil-ədəbiyyat müəllimi işləmişdir. Hal-hazırda E.Heybətov adına Dəlləkoba kənd ümumi orta məktəbində dil-ədəbiyyat müəllimi işləyir. Onun aşaöıdakı kitabları çap olunub: “Eşqim, Taleyim”, “Oşumi zanq eğandə”, “Ucalıq”, “Öəzəlon”, “De lələ söhbət”, “Yaşajır Nizami həqiqətləri”, “Bəştə yurdi soyb beşəmon”, “Çəmə di əhvoloton”, “Bayramlı, yaşlı dünya”.

Kəndin adı: 
Dəlləkoba kəndi

Əhalisi: 
1479 nəfər

Ərazisi: 
314,13 hektar

Coğrafi mövqeyi: 
Dəlləkoba kəndi Talış dağları ilə Xəzər dənizi arasında Masallı rayonun Ərkivan-Boradigah-Rüdəkənar şosse yolunun üstündə yerləşir. Rayon mərkəzindən 5-6 km aralıdır. Şosse yolu kəndi iki hissəyə bölür: Şərq hissə məzə sahəsi adlanır, əsasən çökəklik və düzənlikdir. Qərb hissə bandaro (dağ yolu) adlanır. Bu ərazi nisbətən hündürdür, əsasən təpəliklərdən ibarətdir. 

Kənddəkilərin əsas məşğuliyyəti: 
Heyvandarlıq, taxılçılıq və ticarət kəndin əsas məşğuliyyət sahələridir.

Həmsərhəd olduğu kəndlər: 
Dəlləkoba kəndi şimaldan Ərkivan qəsəbəsinin ərazisi, Molla Yusifli və Lürən kəndləri ilə, cənubdan və şərqdən Qızılavar kəndinin ərazisi ilə, qərbdən Bala Kolatan kəndi ilə həmsərhəddir.

Kəndin adının mənası: 
Dəlləkoba (Dəlokbə) adı əsasən sənətkarlıqla (bərbər, dəllək) bağlı olmuşdur. Qonşu kəndlərin dəlləyə olan ehtiyacını bu kəndin sənətkarları - dəlləkləri ödəmişlər. Bu kəndin çoxlu dəlləyi olduğuna görə kənd Dəlləkoba adlandırılmışdır.

Kəndin tarixi abidələri:
Dəlləkoba məscidi - XIX əsrə aid abidədir, hazırda yenidən qurulub.
2. Şabanın evi - 150 ilə qədər yaşı var. məşhur usta Şaban özü tikib.
3. Butə-Kəlbi Kulət - kurqandır.

Kənddə ilk məktəbin açılması: 
Kənddə ilk dəfə 1940-ci illərdə yaşlı kişi və qadınlar üçün iki sinifli ibtidai məktəb fəaliyyət başladı. Bu məktəb fermanın sağıcılar evindəki iki otaqdan ibarət idi. 

E. Heybətov adına Dəlləkoba kənd ümumi orta məktəb binası. 1964-cü ildə tikilib.

Kəndin ilk ali təhsillisi:
İsmayilov İsrafil Cəbrayıl oğlu 
1934-cu ildə Masallı rayonunun Dəlləkoba kəndində dindar bir ailədə anadan olmuşdur. Bədəlan kənd orta məktəbini bitirmişdir. 1956-cı ildə Gəncə şəhərində Azerbaycan Kənd Təsərüfatı İnstitunun baytarlıq fakültəsini bitirmişdir. 1963-cü ilə kimi rayonun baytarlıq təsərrüfatlarında müxtəlif vəzifələrdə calışıb. Rayon baytarlıq müalicəxanasının müdiri, Dövlət damazlıq və süni mayalanma stansiyasının və M. F. Axundov adına kolxozun sədri vəzifəsində işləmişdir. 1963-cü ildə Masallı Rayon Zəhmətkeş Deputatları soveti İcraiyyə Komitəsinin sədri vəzifəsinə irəli cəkilib 1971-ci ilədək bu məsul vəzifədə calışmışdır. 1971-ci ildən ömrünün sonunadək rayondakı quşculuq-inkubator stansiyasının direktoru olmuşdur. Böyük təqva sahibi olan İsrafil İsmayilov Məşhəd, Kərbala və iki dəfə müqəddəs Həcc ziyarətində olmuşdur. Səkkiz övlad atası olmuşdur. 2008-ci ildə vəfat etmişdir.

Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında: 
Heybətov Elşən Əliabbas oğlu 
01 mart 1975-ci ildə Masallı rayonun Dəlləkoba kəndində annadan olmuşdur. Dəlləkoba kənd orta ümumtəhsil məktəbini və Ə. Mirzəyev adına Qızılavar kənd tam orta məktəbini bitirmişdir. 1993-cü ildə hərbi xidmətə çağırılımışdır. Onun döyüş yolu Şişqayadan başladı. Özünün həyatını dəfələrlə təhlükəyə ataraq döyüş dostlarını xilas etmişdir. 1994-cü il yanvarın 17-də Şişqaya uğrunda qanlı döyüş gedirdi. Elşən Heybətovun daxil olduğu dəstə mühasirəyə düşsə də quduz düşməmnə layiqli müqavimət göstərmişlər. Elşən Heybətov 1994-cü ilin fevralında Fizuli rayonunda Şişqaya uğrunda gedən döyüşlərdə qəhrəmanlıqla həlak olmuşdur. Subay idi. Dəlləkoba kənd qəbiristanlığında dəfn olunmuşdur. Hazırda Dəlləkoba kənd orta ümumtəhsil məktəbi onun adını daşıyır. 

Böyük Vətən müharibəsində iştirak edənlər: 81 nəfər
Həlak olanlar: 52 nəfər
Sağ qalanlar: Yoxdur

Kəndin din xadimləri: 
Molla Rza Şaban oğlu Məmmədov 
Ərdəbildə Mirzə İbrahim Mədrəsəsində təhsil almış və 10 il orada işləmişdir. Kəndə qayıtdıqdan sonra evində dini dərs demişdir. Çoxlu tələbələri olmuşdur. 1920-ci illərin axırlarında vəfat etmişdir. 
Molla Mirəziz 
XX əsrin əvvələrində evində mədrəsə açmış və orada dini dərs demişdir. Məşhur rozaxan olmuşdur. 
Molla Şəkur Mikayıl oğlu 
1920-ci illərdə İrana təhsil almağa getmişdir. Sərhəd bağlandıqdan sonra orada qalmışdır. Qum şəhərində mədrəsədə dərs demişdir. Orada yaşayıb vəfat etmişdir. İki oğlu və bir qızı var. 
Molla Mirəkbər Cavad oğlu Cavadov.
Molla Hüseynəli Qurban oğlu Hüseynov.
Molla Müzəffər Cəbrayıl oğlu Qurbanov.
.1941-ci ildə Masallı rayonun Dəlləkoba kəndində anadan olmuşdur. Bakı Yeyinti Sənaye İnstitunu bitirmişdir. Ticarət təşkilatlarinda, çay fabriklərində və rayon ASB-də sənaye şöbəsinin müdiri, Bakı İslam Universitetində müəllim işləmişdir. Azerbaycan İslam Partiyasının sədri olmuşdur. 1991-ci ildə Məşhəd, 1995-ci ildə Kərbala, 1992-ci ildə Həcc ziyarətinədə olmuşdur. 2004-cü ildə vəfat etmişdir. 3 oğul 2 qız böyüdüb tərbiyə etmişdir.
Molla Cəbrayıl İsmayıl oğlu Qurbanov 
Ərdəbildə Mirzə İbrahim mədrəsəsində təhsil almışdır. Azerbaycanın cənub bölgəsində dinin inkişafında böyuk xidməti olmuşdur. 1945-1950-ci illərdə Dəlləkoba kəndində M.F.Axundov adına kolxozun sədri işləmişdir.

Kəndin digər tanınmışları: 
Hüseynov Həsənağa Hüseynəli oğlu Kənd təsərrüfatı elmlər namizədi. 
Qurbanova Şəhla Müzəffər qızı - Tarix elmlər namizədi. 
Rahilə Həşimova - Tibbi elmlər namizədi, Tibb universitetinin dosenti. 
Qurbanov Şair Xalıq oğlu - Tibb elmlər doktoru, professor. Səhiyyə Nazirliyinin Taun əleyhinə stansiyasının direktor müavini.
Qurbanov Tahir Xalıq oğlu – həkim, şair. 
1947-ci ildə Masallı rayonun Dəlləkoba kəndində anadan olmuşdur. Tatyan ibtidai məktəbini Qızılavar kənd ümumi orta məktəbini və Bədəlan kənd tam orta məktəbini bitirmişdir. 1965-1971-ci illərdə ADTU-də təhsil almışdır. 1971-1973-cü illərdə hərbi həkim kimi hərbi xidmətdə olmuşdur. 1973-1988-ci illərdə Akademik Cavadzadənin klinikasında şöbə müdiri, Respublika xəstəxanasında reanimasiya şöbəsinin müdiri işləmişdir.1988-ci ildən ömrünün sonuna kimi Müdafiə Nazirliyinin Baş Anestoloji Mərkəzinin və reanimasiya şöbəsinin rəisi işləmişdir.Tibb xidməti polkovniki idi. O, Qarabağ müharibəsinin fəal iştirakçısı olmuş, erməni qəsbkarlarının hücumuna məruz qalan Şuşa şəhərindən sonuncu çıxanlardan biri olmuşdur. Tahir Qurbanov əsl şair idi.Orta məktəb illərindən mətbuatda şeirləri çap olunurdu. Şairlərdən A.Əlizadə, M.Araz, M.Kazım, S.Rüstəmxanlı, N.Kəsəmənli, Ç.Əlioğlu, Ş.Aslan və başqaları onun dostları idi. Tahir Xalıq oğlu Qurbanov 2003-cü ildə vəfat etmişdir. Bir oğlu, bir qızı vardı.

İsmayılov İsrafil Cəbrayıl oğlu 
1934-cu ildə Masallı rayonunun Dəlləkoba kəndində dindar bir ailədə anadan olmuşdur. Bədəlan kənd orta məktəbini bitirmişdir. 1956-cı ildə Gəncə şəhərində Azerbaycan Kənd Təsərüfatı İnstitunun baytarlıq fakültəsini bitirmişdir. 1963-cü ilə kimi rayonun baytarlıq təsərrüfatlarında müxtəlif vəzifələrdə calışıb. Rayon baytarlıq müalicəxanasının müdiri, Dövlət damazlıq və süni mayalanma stansiyasının və M. F. Axundov adına kolxozun sədri vəzifəsində işləmişdir. 1963-1971-ci illərdə Masallı rayon Zəhmətkeş Deputatları Sovetinin İcraiyyə komitəsinin sədri işləmişdir. 1971-ci ildən ömrünün sonunadək rayondakı quşculuq-inkubator stansiyasının direktoru olmuşdur. Böyük təqva sahibi olan İsrafil İsmayilov Məşhəd, Kərbala və iki dəfə müqəddəs Həcc ziyarətində olmuşdur. Səkkiz övlad atası olmuşdur. 2008-ci ildə vəfat etmişdir.

Məmmədov Yusif Əli oğlu 
20 may 1947-ci ildə Masallı rayonunun Qızılavar kəndində anadan olmuşdur. 1964-cü ildə orta məktəbi bitirdikdən sonra Masallı rayon Dövlət Statistika Müfəttişliyində statist kimi əmək fəaliyyətinə başlamışdır. 1965-ci ildə Azərbaycan Kənd Təsərrüfatı İnstitutunun (indiki Kənd Təsərrüfatı Akademiyası) meyvə-tərəvəzçilik və üzümçülük fakültəsinə daxil olub, 1971-ci ildə həmin institutu bitirmişdir. 1970-1971-ci illərdə Masallı rayonunun M.F.Axundov adına sovxozunda aqronom işləmişdir. 1971-1972-ci illərdə Sovet Ordusu sıralarına xidmət etmişdir. 1972-1980-cı illərdə Masallı rayununun M.F.Axundaov adına sovxozunda aqronom işləmişdir. 1980-1987-ci illərdə Masallı rayon partiya komitəsində təlimatçı, şöbəmüdüri, katibi və II katib vəzifələrində işləmişdir. 1987-1990-cı illərdə Yardımlı rayon Partiya Komitəsinin birinci katibi işləmişdir. 1991-ci ildən hal-hazlra kimi Masallı rayon Məşğulluq Mərkəzində direktor işləyir. Bakı Ali Partiya Məktəbini qiyabi bitirmişdir.

Qurbanov Mahir Xalıq oğlu 
Rabitə və İnformasiya Texnologiyaları Nazirliyi Azərpoçt MMC-nin Masallı Poçt Filialının rəisi.

İsmayılov Əlvan İsrafil oğlu 
1978-1979-cu illərdə Bakı şəhər daxili işlər idarəsində işləyib. Astara rayon sabiq polis rəisi. Polkovnikdir. 
Ismayılov Qılman Israfil oğlu 
Azərbaycan Respublikası Vergilər Nazirliyinin Vergi ödəyicilərinin Auditi Baş İdarəsinin Baş Dövlət Vergi müfəttişi. 
Həşimov Əşrəf Əbülfəz oğlu 
Astara rayon Məhkəməsinin sabiq sədri. Hüquqşünas. 
Quliyev Ramiz Müslim oğlu 
1 № li İslah Əmək Koloniyasının sabiq rəisi. 
Qurbanov Subahir xalıq oğlu 
Azərbaycan Respublikası Milli Təhlükəsizlik Nazirliyinin Transmilli Mütəşəkkil Cinayətkarlığa Qarşı Baş İdarənin rəisi, general-mayor. 
Qurbanov Şair Xalıq oğlu 
Səhiyyə Nazirliyinin Taun Əleyhinə Stansiyasının direktor müavini, Tibb elmləri doktoru, professor. 
Rahilə Həsənova 
Tibb Universitetinin dosenti, Tibb elmləri namizədi. 
Hüseynov Həsənağa Hüseynəli oğlu 
Lənkəran Rayonlararası Yer quruluşu idarəsinin mühəndisi. Kənd təsərrüfatı elmləri namizədi.
İbadov Səxavət Murtuz oğlu 
Respublika Tibbi Sosial – Ekspert Mərkəzinin sədr müavini. 
İbadov Mustafa Murtuz oğlu 
10 saylı zona Tibbi Sosial – Ekspert Komissiyasının sədri. 
Rəhimli Muxtar Əbülfəz oğlu 
Masallı rayon Partiya Komitəsində təlimatçı, Təzə Alvadı kəndində sovxoz direktoru, Dövlət Torpaq və Xəritəçəkmə Komitəsinin Masallı rayon şöbəsində məsləhətçi. Qənbərov Akif Mütəllim oğlu 
Milli Məclis katibliyinin işçisi. 
Həmidov Sakit Qiyas oğlu 
1945-ci ildə Dəlləkoba kəndində anadan olmuşdur. Azərbaycan Respublikası Həmkarlar Təşkilatı Maliyyə idarəsi rəisi vəzifəsində işləmişdir. 
Şahbazov Sərhəd Qasım oğlu 
1960-cı ildə anadan olmuşdur.Lənkəran Hava Limanında Polis məntəqəsinin rəisi təyin edilmişdir. 1999-cu ildə vəfat etmişdir. 
Qurbanov Xalıq İsmayıl oğlu 
Dəlləkoba kəndin tanımış adamlarından biri olmuşdur. O, 1923-cü ildə Masallı rayonu Qızılavar kəndində anadan olmuşdur. 1933-cü ildə Qızılavar kənd ibtidai məktəbinə daxil olur, 1937-ci ildə təhsilini Bədəlan kənd orta məktəbində davam etdirir. 1942-ci ildə səkkizinci sinfi bitirdikdən sonra könüllü şəkildə alman faşizminə qarşı II Dünya müharibəsi cəbhələrinə getmişdir. 1944-cü il mayın 5-də müharibə əlili kimi ordudan tərxis olunub arxa cəbhəyə yola salınmışdır. 1945-ci ildə Masallı şəhərində təşkil olunmuş üç ayliq mühasiblik kursunu bitirir. 1953-1955-ci illərdə Masallı axşam fəhlə-kəndli gənclər orta məktəbində təhsil alır. 1955-ci ildə Azərbaycan Kənd Təsərrüfatı Akademiyasının Zootexnik fakultəsinə daxil olmuş. 1962-ci ildə bu ali məktəbi fərqlənmə diplomu ilə bitirmişdir. O, rayonun Qədirli (1945-1946), Bədəlan (1946-1947, 19559-1962), Ərkivan (1947-1950), Tatyan (1950-1955), Qızılavar (1955-1959) kolxozlarında baş mühasib vəzifələrində işləmişdir. 1962-1964-ci illərdə Bədəlan kəndində kolxoz sədri işləmişdir. X.Qurbanob 1964-cü ildən 1992-ci ilə kimi M.F.Axundov adına sovxoz sədri işləmişdir. Onun rəhbərliyi dövründə M.F.Axundov adına sovxoz dəfələrlə Sov.İKP MK-nın, SSRİ Nazirlər sovetinin, Azərbaycan KP MK-nın, Respublika Nazirlər sovetinin, Həmkərlar İttifaqı və komsomolun keçici Qırmızı Bayraqlarını almış, SSRİ kənd Təsərrüfatı Nazirliyinin xatirə bayrağına, SSRİ xalq Təsərrüfatı sərgisinin Qızıl medalna fəxri fərmanlarına və mükafatlarına layiq görülmüş, rayonda hər il keçirilən “Məhsul Bayramlarının” fəallarından olmuşdur. “Döyüş şöhrəti”, “ Birinci dərəcəli Vətən Müharibəsi”, “İkinci dərəcəli Vətən Müharibəsi”, “Şərəf nişanı”, “Qırmızı bayraq”, “Xalqlar dostluğu”, “ Qırmızı əmək bayrağı”, “Oktyabr inqilabı” ordenlərinə, “Lenin yubleyi”, “Əmək igidliyinə görə”, “Qafqaz müdafiəsinə görə” medallarına, həmçinin Böyük Vətən müharibəsinin 10, 20, 30, 40, 50- illik yubleyləri medallar, fəxri döş nişanları ilə təltif olunmuş, saysız-hesabsız fəxri fərmanlar, qöymətli hədiyyələr layiq görülmüşdür. O Rayon Partiya komitəsinin planının üzvü Rayon sovetinin deputatı və Rayon icraiyyə komitəsinin üzvü olmuşdur. 1999-cu ildə vəfat etmişdir.
Paşayev Azadxan Qardaşxan oğlu 
Əməkdar müəllim
İslamov Samit Yusif oğlu
Ə.Mirzəyev adına Qızılavar kənd tam orta məktəbin direktoru. 1960-cı ilin avqustun 23-də masallı rayonun Ərkivan kəndində anadan olmuşdur. 1962-ci ildə ailələri ilə birlikdə Qızılavar kəndinə köçmüşdür. 1977-1978-ci illərdə M.F.Axundov adına sovxozda fəhlə işləmiş, 1978 - 1983-cü illərdə M. F. Axundov adına APRDƏİ-da ali təhsil almışdır. 1983-1987-ci illərdə C.Cabbarlı adına Ərkivan kənd orta məktəbində təyinatla müəllim işləmişdir. 1987-1997-ci illərdə Ə.Heybətov adına Dəlləkoba kənd əsas məktəbində əvvəl müəllim və son bir ildə isə təlim-tərbiyə işləri üzrə direktor müavini işləmişdir. 1997-ci ilin aprel ayının 17-də Ə.Mirzəyev adına Qızılavar kənd tam orta məktəbinə direktor təyin olunmuşdur. 1999-2000-ci illərdə 71 saylı Masallı kənd seçki dairəsinin üzvü olmuşdur. XII müəllimlər qurultayının üzvü, uzun illər Masallı RTŞ-nin Şura üzvü olmuşdur. 2000-ci ildən YAP-ın üzvüdür. Ailəlidir. Bir oğlu, üç qızı vardır. 
Məmmədov Əhməd Rza oğlu
1924-cü ildə Masallı rayonun Qızılavar kəndində anadan olmuşdur. 1934-cü ildə Qızılavar kənd ibtidai məktəbini 1941-ci ildə Bədəlan kənd orta məktəbini bitirmişdir. 1942-1945-ci illərdə Dəlləkoba kənd M.F.Axundov adına kolxozunda briqadir işləmişdir. 1945-ci ildən müəllimlik fəaliyyətinə başlamış, rayonun bir sira məktəblərində müəllim, həm də ictimai əsaslarla komsomol təşkilatı katibi işləmişdir. 1965-ci ildə Azərbaycan Pedaqoji İnstitutunu bitirmişdir. 1962-1990-cı illərdə Qızılavar kəndində yoldaşlıq kənd məhkəməsinin sədri işləmişdir. 1965-ci ildə kommunist partiyasına daxil olmuşdur. 1984-cü ildə qocalığa görə pensiyaya çıxmışdır. El ağsaqqalıdır. İşlədiyi kollektivin sevimlisidir.