Qarğalıq

Kəndin adı: 
Qarğalıq

Əhalisi: 
1911 nəfər

Ərazisi: 
4.5 min kv.km 

Coğrafi mövqeyi: 
Rayonun şimal-şərq hissəsində yerləşir, düzənlik

Kəndəkilərin əsas məşğuliyyəti: 
Keçmişdə çəltikçilik, indiki zamanda əkinçilik və heyvandarlıq 

Həmsərhəd olduğu kəndlər: 
Eminli, Kürdəbaz, Dəlləkli, Xallıcallı, Şəhriyar

Kəndin adının mənası: 
Qarğalıq adı haqqında bir neçə mülahizə söylənilir. Birinci mülahizəyə görə bu ərazidə çoxlu qarğa olduğuna görə Qarğalı adı yaranmışdır. Kəndin yaşlı nəsli əsasən bu fikri təsdiq edir. Digər mülahizəyə görə bu yaşayış yerinin adı türk mənşəli qarğa, karqa tayfaları ilə əlaqədar yaranmışdır. Bu tayfaların Azərbaycana gəlməsi təqribən ilk orta əsrlərə təsadüf edir. Sonralar bu söz fonetik dəyişkənliyə məruz qalaraq Qarğalıq adlandırılmışdır.

Kənddə ilk məktəbin açıldığı tarix:
Kənddə ilk məktəb 1938-ci ildə açılmışdır.

Kəndin ilk ali təhsillisi:
Ağayev Rüstəm İsgəndər oğlu - 1935-ci ildə Masallı rayonun Qarğalıq kəndində anadan olub. 1952-ci ildə Ağamalıoğlu adına Xalq Təsərrüfatı İnstitutuna daxil olub. 1957-ci ildə oranı bitirib. İlk iş yeri Yardımlı rayon Rayspolkomu, axırıncı iş yeri Masallı rayonunun Varlı həyat sovxozu olmuşdur. 1992-ci ilin noyabr ayında vəfat etmişdir.

Kəndin Qarabağ müharibəsi uğrunda gedən döyüşlərdə milli qəhrəman və şəhid olmuş sakinləri haqqında: 
Rufullayev Ruhil Rufula oğlu -1973-cü ildə Masallı rayonunun Qarğalıq kəndində anadan olub, 1980-ci ildə Qarğalıq kənd orta məktəbinin I sinfinə daxil olmuş 1990-cı ildə bitirmişdir. 1992-ci ilin aprel ayında həqiqi hərbi xidmətə çağırılmış, elə həmin il iyul ayının 19-da Ağdam şəhəri uğrunda gedən döyüşdə şəhid olub. Kənd qəbiristanlığında dəfn olunub. Vəliyev Ədalət Hidayət oğlu - 1973-cü ildə Masallı rayonunun Qarğalıq kəndində anadan olub, 1981-ci ildə Qarğalıq kənd orta məktəbin I sinfinə daxil olmuş 1991-ci ildə bitirmişdir. 1992-ci ildə həqiqi hərbi xidmətə çağırılmış, Ağdərə, Kəlbəcər uğrunda gedən döyüşlərdə iştirak etmiş, 1993-cü ildə Umudlu kəndi uğrunda gedən döyüşdə şəhid olmuş. Kənd qəbiristanlığında dəfn olunub. Məmmədov Xanlar Xudaş oğlu - 1976-cı ildə Masallı rayonunun Qarğalıq kəndində anadan olub, 1983-cü ildə Qarğalıq kənd orta məktəbin I sinfinə qəbul olmuş, 1993-cü ildə bitirmişdir. 1993-cü ildə hərbi xidmətə çağırılmışdır. 1995-ci ildə Ağdam bölgəsində gedən döyüşlərdə şəhid olmuşdur.

Böyük Vətən müharibəsində iştirak edənlər: 
1. Əliyev Əlif Rəsul oğlu, 
2. Fərəcov Məmi Eminalı oğlu, 
3. Fərəcov Alış Eminalı oğlu, 
4. Camalov Vəzir Paşa oğlu, 
5. Abasov Daxıl İsa oğlu, 
6. Ağayev Meydan Sadiq oğlu, 
7. Orucov Əsəd Abas oğlu, 
8. Abbasov Fətiş Bəbir oğlu, 
9. Cavadov Murad İsrafil oğlu, 
10. Cavadov Əjdər İsrafil oğlu, 
11. Hüseynov Əjdər Səfəralı oğlu, 
12. Məmmədov Məmmədhüseyn Abış oğlu, 
13. Məmmədov İsmixan Kəlbi oğlu, 
14. Məmmədov Xanlar Məmməd oğlu, 
15. Məmmədov Lazım Məmmədxan oğlu, 
16. Məmmədov Tahir Mahmud oğlu, 
17. Məmmədov Abdulhəsən Absalam oğlu, 
18. Məmmədov Mədət Mustafa oğlu, 
19. Məmmədov Şıxeyib Abış oğlu, 
20. Məmmədov Qaraxan Nəcəfqulu oğlu, 
21. İbadullayev Kərim İbadulla oğlu, 
22. Vəliyev Gülmalı Allaverən oğlu, 
23. Hüseynov Dünyəmalı Mahmud oğlu, 
24. Qasımov İzzət Mahmud oğlu, 
25. Fərəcov Feyruz Ağadədə oğlu, 
26. Yusubov Bulud Camal oğlu, 
27. Qasımov Cankişi Mahmud oğlu, 
28. İbadullayev Sarxan İba oğlu, 
29. Rzayev Rzabala İsa oğlu, 
30. Əhmədov Ağamməd Musa oğlu, 
31. Zeynalov Həmdulla Əliyabas oğlu,
32. Qəribov Məhərrəm Hüseyalı oğlu, 
33. Qəribov Ayaz Hüseynəli oğlu, 
34. Camalov Hətəm Mürsəl oğlu, 
35. İbrahimov Surxay Həşim oğlu, 
36. Qardaşov Abı Balaqardaş oğlu, 
37. Qənbərov Sərdar Saleh oğlu, 
38. Qənbərov Qənbər Saleh oğlu, 
39. Əliyev Bəndalı Rəsul oğlu, 
40. Bədirov Eyvaz Səfər oğlu, 
41. Əliyev Kəlbihüseyn Mehdiqulu oğlu, 
42. Həsənov Sahib Ağababa oğlu, 
43. Novruzov Hacalı Ataş oğlu, 
44. Ağayev Sahib Mirzəcan oğlu, 
45. Orucov Bəbir Abas oğlu, 
46. Orucov Bəbir Abas oğlu, 
47. Allahverdiyev Atalı Allahverdi oğlu, 
48. Əhmədov Mustafa Musa oğlu, 
49. Şirinov Zəki İsa oğlu, 
50. Şirinov Məmi Məhərrəm oğlu, 
51. Qəribov Qasım Hüseynalı oğlu, 
52. Abdullayev Hətəm Əziz oğlu, 
53. Abasov Ağahüseyn Museyib oğlu, 
54. Məmmədov İbrahim Hümmət oğlu. 

Kəndin adı: 
Xallıcallı

Əhalisi: 
732

Ərazisi: 5.8 min kv.km Coğrafi mövqeyi: 
Rayonun Şimal-Şərq hissəsində yerləşir, düzənlik

Kəndin əsas məşğuliyyəti: 
Keçmişdə çəltikçilik, indiki zamanda əkinçilik və heyvandarlıq 

Həmsərhəd olduğu kəndlər: 
Qarğalıq, Qədirli, Dəlləkli, Hüseynhacılı və Alışanlı

Kəndin adının mənası: 
Xallı-çala ( yəni çalada kiçik torpaq sahələrinin olması ilə əlaqədardır)

Kəndin qısa tarixçəsi: 
Yaşlı nəsildən eşitdiyimizə görə , bizim kəndin tarixi 200 ilə yaxındır. Yaşlıların dediyinə görə Xallıcallı kəndinin ilk sakinləri Lənkəranın Gömüşavan kəndindən gələnlər olub. Onlar öz mal-qaralarını Xallıcallının ərazisinə ( onda bura çala olub) otlamaq üçün ötürüblər. Onda bu çalada adda-budda adaya oxşar kiçik torpaq sahələri var imiş. Ona görə də bu əraziyə Xallı-çala deyirmişlər. Bu ərazidə insanlar məskunlaşdıqdan sonra bura Xalııcallı adı ilə tanınmışdır.

Kənddə ilk məktəbin açıldığı tarix: 
1990-cı il

Kəndin ilk ali təhsillisi:
Şükürov Hilal Abı oğlu - 1923-cü ildə Masallı rayonun Xallıcallı kəndində anadan olub. İkinci dünya müharibəsindən sonra Ali təhsil alıb. Ali Partiya məktəbini bitirib. Masallı rayon Partiya komitəsində məsul vəzifələrdə işləyib. Nizami sovxozunun direktoru işləyib.

Kəndin Qarabağ müharibəsi uğurunda gedən döyüşlərdə milli qəhrəman və şəhid olmuş sakinləri haqqında:
Qarayev Elşən Rəhman oğlu - 1973-cü ildə Masallı rayonunun Xallıcallı kəndində anadan olub. O, 26 may 1992-ci ildə Fizuli rayonunun Divanlılar kəndində gedən döyüşdə qəhrəmancasına şəhid olub. İsmayılov Bahəddin Mirələm oğlu - 1978-ci ildə Masallı rayonunun Xallıcallı kəndində anadan olub. O, 24 avqust 1998-ci ildə Ağdam rayonun Qiyaməddinli kəndində gedən döyüşdə qəhrəmancasına şəhid olub. 

Böyük Vətən Müharibəsində iştirak edənlər:
1. İsmiyev Hidayət Əli oğlu, 
2. Əmişov Cəfər Səfər oğlu, 
3. Ağayev İmran Bədəl oğlu, 
4. Mirzəyev Cəlil Əzzalı oğlu, 
5. Əhmədov Museyib Məcid oğlu,
6. Quliyev Həmdulla Mirzəqulu oğlu, 
7. Əmişov Əyyub əfər oğlu, 
8. Quliyev Əşrəf Mirzəqulu oğlu, 
9. Şiralıyev Miralı Əzzalı oğlu, 
10. Nurullayev Yunus Kəlbi oğlu, 
11. Mirzəyev Ağaşirin Əzzalı oğlu, 
12. Ağayev Novruz Əli oğlu, 
13. Əliyev Əliheydər Şirməmməd oğlu, 
14. Əzizov Qəyyum Abdulbağı oğlu, 
15. Abbasov Əliş Qəmbər oğlu, 
16. Quliyev Abuzər , 
17. Quliyev Ağadədə Mirzəqulu oğlu, 
18. Quliyev İbad, 
19. Quliyev Nuralı Əjdər oğlu, 
20. Mehtiyev Abdulxalıq Mirzəxan oğlu 

Kəndin adı: 
Kürdəbaz

Əhalisi: 
734 nəfər

Ərazisi: 
3 min kv.km

Coğrafi mövqeyi: 
Rayonun Şimal-Şərq hissəsində yerləşir, düzənlik

Kəndəkilərin əsas məşğuliyyəti: 
Keçmişdə çəltikçilik, indiki zamanda əkinçilik və heyvandarlıq 

Həmsərhəd olduğu kəndlər: 
Qarğalıq, Alışanlı, Məmmədxanlı

Kəndin adının mənası: 
Bəzilərinin fikrincə bu yaşayış yerinin əvvəlki Kürd Abbas olmuş, sonra adı Kürdəbaz şəklinə düşüb. Respublikamızın ayrı-ayrı bölgələrində Kürdlər, Kürd Hacı, Kürdəxanı adı vardır. Qaynaqlardan məlum olur ki, Masallıdakı Kürdəbaz adının əsasını Kürd Mahmudlu tayfası qoyub.

Kənddə ilk məktəbin açıldığı tarix: 
1986-cı il

Kəndin ilk ali təhsillisi:
Xəlilov Şamil Nüsrət oğlu -1924-cü ildə Masallı rayonun Eminli kəndində anadan olub. Xalq Təsərrüfatı İnstitutunu bitirib. Keçmiş Puşkin rayonunda II katib, Dəvəçi rayonunda Rayspalkom işləmişdir. Masallı rayonunda Varlı-həyat sovxozunda direktor işləmişdir. 2010-cu ildə Masallı rayon Kürdəbaz kəndində vəfat etmişdir. Kürdəbaz kənd qəbiristanlığında dəfn olunub. v
Kəndin Qarabağ müharibəsi uğurunda gedən döyüşlərdə milli qəhrəman və şəhid olmuş sakinləri haqqında:
Bəgişov Rahim Şahgəldi oğlu -1973-cü ildə Masallı rayonunun Kürdəbaz kəndində anadan olub, 1992-ci ildə Laçın rayonunda gedən döyüşlərdə şəhid olub. Kürdəbaz kənd qəbiristanlığında dəfn olunub.

Böyük Vətən Müharibəsində iştirak edənlər:
1. Qardaşov Bəhmən Eynəli oğlu, 
2. Məmmədov Mürvət Adıgözəl oğlu

Kəndin adı: 
Eminli

Əhalisi: 
1061

Ərazisi: 
7 min kv.km 

Coğrafi mövqeyi: 
Rayonun Şimal-Şərq hissəsində yerləşir, düzənlik

Kəndin əsas məşğuliyyəti: 
Keçmişdə çəltikçilik, indiki zamanda əkinçilik və heyvandarlıq 

Həmsərhəd olduğu kəndlər: 
Qarğalıq, Köçəkli, Dəlləkli və Neftçala rayonu

Kəndin adının mənası: 
Emin şəxs adı, -li məkan bildirən şəkilçi olub, Emin nəslinin yaşadığı yer deməkdir. Kənd əhalisinin fikrincə, keçən əsrdə Şamaxıdan Eminbəy adlı bir şəxs bu yaşayış yerinə gəlib. O vaxtdan kəndin adı Eminli qalıb

Kəndin qısa tarixçəsi: 
Yaşlı nəsildən eşitdiyimizə görə , bizim kəndin tarixi 200 ilə yaxındır. XIX əsrin ortalarında Emin bəyin gəlişi ilə əlaqədar Eminli adlanmışdır.

Kənddə ilk məktəbin açıldığı tarix: 
1964-cü il

Kəndin ilk ali təhsillisi: 
Eminov Hacı Fərrux Fərhad oğlu -1924-cü ildə Masallı rayonun Eminli kəndində anadan olub. 1950-ci ildə Bakı Statistika Texnikumuna daxil olub. 1953-cü ildə oranı fərqlənmə ilə bitirib. Elə həmin il K. Marks adına Azərbaycan Dövlət Xalq Təsərrüfatı (İndiki İqtisad Universiteti) İnstitutuna daxil olub. 1958-ci ildə oranı fərqlənmə ilə bitirib. İxtisası üzrə Masallı rayonunun Varlı həyat sovxozunda işləmişdir. 2009-cu ildə 85 yaşında Eminli kəndidə vəfat edib.

Kəndin Qarabağ müharibəsi uğurunda gedən döyüşlərdə milli qəhrəman və şəhid olmuş sakinləri haqqında:
Sadıqov Həbib Tapdıq oğlu -1963-cü ildə Masallı rayonunun Eminli kəndində anadan olub, 1977-ci ildə Eminli kənd natamam orta məktəbini, 1979-cu ildə Qarğalıq kənd orta məktəbini bitirmişdir. 1993-cü ilin may ayında könüllü olaraq cəbhəyə yollandı. Fizuli bölgəsində döyüşlərdə böyük igidlik göstərmişdir. 1993-cü ilin iyulun 9 da Fizulinin müdafiəsi zamanı qəhrəmancasına şəhid olub, kənd qəbiristanlığında dəfn olunub. Eminli kənd tam orta məktəbi şəhid H. Sadıqovun adını daşıyır. 
Ağayev Rəşad Yusif oğlu - 1975-ci ildə Masallı rayonunun Eminli kəndində anadan olub, 1990-cı ildə Eminli kənd natamam orta məktəbini, 1992-ci ildə Qarğalıq kənd orta məktəbini bitirmişdir. 1993-cü ildə hərbi xidmətə çağırılmış, Tərtər, Ağdərə bölgələrində döyüşmüşdür. 1994-cü ilin yanvarın 1 də qəhrəmancasına şəhid olub. kənd qəbiristanlığında dəfn olunub.
Abbasov Mehdi Bayram oğlu -1975-ci ildə Masallı rayonunun Eminli kəndində anadan olub, 1990-cı ildə Eminli kənd natamam orta məktəbini, 1992-ci ildə Qarğalıq kənd orta məktəbini bitirmişdir. 1994-cü ilin yanvar ayında hərbi xidmətə çağırılmışdır. Ağdərə istiqamətində igidliklə vuruşmuş, həmin ilin aprel ayının 25 də qəhrəmancasına şəhid olmuşdur. kənd qəbiristanlığında dəfn olunub.

Böyük Vətən Müharibəsində iştirak edənlər:
1. Fətullayev Ayaz Xanalı oğlu, 
2. Ağayev İltimas Museyib oğlu, 
3. Fərəcov Feyruz Ağadədə oğlu, 
4. Rzayev Hacbala Ağadədə oğlu, 
5. Fətullayev Bulud Xanalı, 
6. Zeynalov Əvəz Bayraməli oğlu, 
7. Rzayev Verdalı Dadaş oğlu, 
8. Kərimov Etibar Kərmulla oğlu, 
9. Hətəmov Fərəc Həbulla oğlu, 
10. Eminov Fərrux Fərhad oğlu, 
11. Abdinov Nurməmməd Qədir oğlu, 
12. Nəzərov Orduxan Əmir oğlu, 
13. Abdinov Məmməd Yunus oğlu, 
14. Allahverdiyev Nəzir Süleyman oğlu, 
15. Ağayev Gülmalı Umud oğlu, 
16. Həsənov Teymur Eyni oğlu, 
17. Zeynalov Zaid Bayraməli oğlu, 
18. Hüseynov Əbil Dənyal 
19.Nəzərov Eyvaz Qurban oğlu, 

Kəndin ziyalıları haqqında:
Eminbəyli Ramazan Hacı Fərrux oğlu -1946-cı ildə Masallı rayonunun Eminli kəndində anadan olub. İlk təhsilini Eminli kənd məktəbində almış, Masallı şəhər 2 nömrəli məktəbi bitirmişdir. 1965-ci ildə Bakı Dövlət Universitetinin fizika fakültəsinə daxil olmuş, 1970-ci ildə həmin universiteti fərqlənmə ilə bitirmişdir. Həmin il nəzəri fizika ixtisası üzrə aspiranturaya qəbul olmuşdur. 1977-ci ildə BDU-da namizədlik dissertasiyası müdafiə edib alimlik dərəcəsi almışdır. 1996-cı ilədək bərk cisimlər fizikası kafedrasında müəllim kimi çalışmışdır. 1996-cı ildə Türkiyənin 100 ili Universitetinin dəvəti ilə bu ölkəyə getmiş və ömrünün sonuna kimi həmin universitetdə çalışmışdır. O ,1997-ci ildə Türkiyədə Müxtəlif səth potensiallı yarımkeçirici lövhələrdə kinetik effektlərin Kvant nəzəriyyəsi üzrə doktorluq müdafiəsi etmiş və fizika-riyaziyyat elmləri doktoru alimlik dərəcəsi almışdır. R. Eminbəyli dünyanın bir çox ölkələrində keçirilən beynəlxalq elmi konfranslarda iştirak etmiş, tanınmış elm xadimləri ilə əməkdaşlıq etmişdir. R. Eminbəylinin rəhbərliyi altında fizika sahəsində çoxlu sayda elmlər namizədi elmlər doktorları hazırlamışdır. Professor R. Eminbəyli 2011-ci ilin avqustun 27-də vəfat etmişdir.
Nuriyev Dilxoş Əliqulu oğlu -1961-ci ildə Masallı rayonunun Eminli kəndində anadan olub.
1968-1976-cı illərdə Eminli kənd məktəbində təhsil almış. 1978-ci ildə Qağalıq kənd orta məktəbini bitirmişdir. 1979-cu ildə Azərbaycan İnşaat Mühəndisləri İnstitutuna daxil olmuş, 1983-cü ildə oranı bitirmişdir. Bakı Baş Tikinti İdarəsində, Dövlət Əmlak Komitəsində, Bakı Şəhəri Nərimanov rayon İcra Hakimiyyətində işləmişdir. Prezident yanında İdarəçilik Akademiyasının Hüquq fakültəsini bitirmişdir. D. Nuriyev iqtisadiyyat üzrə fəlsəfə doktorudur, bir neçə elmi məqalə və kitabın müəllifidir. Hazırda Azərbaycan Dövlət Şəhərsalma və Arxitektura Komitəsində Şəhərsalmaya Nəzarət Şöbəsinin müdiridir.
Əhmədov Xatəm Hüseynqulu oğlu -1960-cı ildə Masallı rayonunun Eminli kəndində anadan olub, 1968-1976-cı illərdə Eminli kənd məktəbində, 1976-1979-cu illərdə Bakı Dəmi Yolu texnikumunda təhsil alıb. X. Əhmədov Rusiya Federasiyasının Rostov şəhərində yaşayır. İxtisası üzrə ali təhsil alıb. Texniki elmlər namizədi. dosentdir.
Eminbəyli Loğman Hacı Fərrux oğlu -1966-cı ildə Masallı rayonunun Eminli kəndində anadan olub. 1973-1981-ci illərdə Eminli kənd məktəbində, 1983-cü ildə Bakı şəhəri Nəsimi rayonundakı A. Şaiq adına 54 saylı orta məktəbini bitirib. Elə həmin il Azərbaycan Tibb Universitetinə daxil olub. 1989-cu ildə oranı fərqlənmə ilə bitirib. 1990-1996-cı illərdə Masallı Mərkəzi Xəstəxanasında həkim işləmişdir. O, 1997-ci ildən Türkiyənin Van, hazırda isə Ankara şəhərində həkim işləyir. L. Eminbəyli 2007-ci ildə ixtisası üzrə uzmanlıq qazanmışdır.
Eminbəyli Arastun Hacı Fərrux oğlu -1953-cü ildə Masallı rayonunun Eminli kəndində anadan olub. 1960-1968-ci illərdə Eminli kənd məktəbində, 1968-1972-ci illərdə Lənkəran pedaqoji məktəbində təhsil almış və oranı bitirmişdir. Təyinatla Cəlilabad rayon Göytəpə qəsəbəsində müəllim işləmiş, sonra Eminli kənd məktəbində işləmişdir. 1976-1982-ci illərdə indiki BDU-nun mexanika-riyaziyyat fakültəsini bitirmişdir. A. Eminbəyli Eminli kənd məktəbində müəllim, direktor kimi çalışmışdır. A. Eminbəyli 1992-1996-cı illərdə Masallı rayon İH-də Ərazi Hakimiyyət və İdarəetmə orqanları ilə iş üzrə şöbə müdiri, Masallı rayon ƏSMM-də direktor vəzifəsində çalışmışdır. A. Eminbəyli sonralar işi ilə əlaqədar Bakı Şəhər Kadrların İxtisasının Artırılması və Yenidən hazırlanması İnstitutunu bitirərək psixoloq-sosioloq ixtisasına yiyələnmişdir. Ayrı- ayrı vaxtlarda Eminli kənd bələdiyyəsinin sədri işləmişdir. Hazırda Eminli kənd tam orta məktəbində psixoloq kimi fəaliyyət göstərir.